Telegram Brauzer, mini ilovalar doʻkoni, yulduzlar hadya qilish va boshqalar
Asl eʼlonni ingliz tilida oʻqish
Bugungi yangilanishda bir nechta varaqni dastaklaydigan va deyarli milliard foydalanuvchiga Web3 texnologiyasidan foydalanish imkonini beradigan yangi ilova ichidagi brauzer, mini ilovalar doʻkoni, yangi turdagi mini ilovalar, doʻstlarga yulduzlar hadya qilish imkoniyati va boshqalar taqdim etiladi.
Telegram Brauzer
Siz ilova ichidagi brauzer bilan ochadigan sahifalarni endi pastki panelda yigʻish va qayta ochish mumkin, bu sizga xabarlaringiz va veb-saytlar, tezkor koʻrish maqolalari va mini ilovalar orasida erkin harakatlanish imkonini beradi.
Telegramning brauzeri barcha mobil va rasmiy desktop ilovalarida TON tarmogʻidagi markazlashmagan veb-saytlarni dastaklaydi. Bu deyarli bir milliard oylik foydalanuvchilarimizga Web3 imkoniyatlaridan erkin foydalanish imkonini beradi.
Dunyoga kriptovalyutani tanishtirmoqchi boʻlgan taqdiringizda. 
Endi maqola oʻqiyotganingizda, veb-sahifani koʻrayotganingizda yoki oʻyin oʻynayotganingizda bildirishnoma olsangiz, xabarlaringizni tekshirishingiz va rivojingizni yoʻqotmasdan qaytishingiz mumkin. Sahifaga keyinroq qaytish uchun bukmarklar kiritishingiz ham mumkin.
Dasturchilar markazlashmagan TON saytlari haqida batafsil axborotni ton.org saytiga kirib yoki Telegramning oxirgi versiyasida getting-started.ton saytini ochib bilib olishi mumkin.
Mini ilovalar doʻkoni
Telegramning 950 million foydalanuvchisidan har oyda 500 milliondan ortigʻi mini ilovalar bilan oʻzaro aloqada boʻladi.
Biz Qidiruv rukniga yangi “Ilovalar” sahifasini qoʻshdik, bu yerda foydalanadigan ilovalaringiz roʻyxati va mashhur mini ilovalar roʻyxati koʻrsatiladi. Endi barcha oʻyin va xizmatlaringizga tezda kirishingiz yoki yangi narsalarni topishingiz mumkin.
Dunyongiz mushuklar va ogʻmaxonlardan kattaroq boʻlgan taqdirda.
Dasturchilar endi foydalanuvchilarga nima kutishlarini bildirish uchun mini ilova prevyulari uchun video demolar va skrinshotlar yuklashi mumkin.
Mushukni sumkadan chiqarmoqchi boʻlgan taqdiringizda.
Telegram Yulduzlardan foydalanadigan mini ilovalar endi “Ommabop ilovalar” boʻlimida koʻrsatilish imkoniyatiga ega. Dasturchilar mini ilovalar haqida batafsil axborot bilan ushbu sahifada tanishishi mumkin.
Mini ilovalardan hikoyalarga ulashish
Mini ilovalar endi foydalanuvchilar bevosita mini ilovadan Telegram hikoyasi sifatida ulashishi uchun AI yaratgan videolar, yutuqlar yoki yetakchilar jadvalining suratlari kabi maxsus hikoya kontentini yaratishi mumkin. Bu yangi turdagi ilovalardan foydalanish imkonini beradi, mavjudlariga esa o‘z foydalanuvchilarining kontaktlari orasida tarqalish orqali auditoriyani oshirishga yordam beradi.
Mushuklaringiz ulashish uchun hikoyaga ega boʻlgan taqdirda.
Dasturchilar ushbu funksiyani mini ilovalariga qoʻshish haqida batafsil axborot olish uchun bu yerga kirishi mumkin.
Doʻstlarga yulduzlar hadya qilish
Telegram Yulduzlar sizga mini ilovalarda raqamli mahsulotlar sotib olish yoki kanallarda pulli kontentga kirish imkonini beradi. Bu yangilanish bilan kontaktlaringiz uchun yulduzlarni hadya sifatida sotib olishingiz mumkin.
Doʻstlaringizda allaqachon Premium boʻlgan taqdirda.
Yulduzlarni hadya qilish uchun Sozlamalar > Yulduzlarim rukniga kiring (iOS ilovasida hozirda ushbu menyuni faqat avval oʻzingiz uchun yulduzlar sotib olgan boʻlsangiz koʻrasiz).
Tugʻilgan kunini nishonlayotgan foydalanuvchilar maxsus boʻlimda roʻyxatning yuqorisida paydo boʻladi. Hadya qilingan yulduzlar chatda chiroyli animatsiyali hadya qutisi sifatida koʻrinadi.
Video xabarlarni yozishda chaqnoq
Video xabarlar endi qorongʻida yozayotganda ekranni qoʻshimcha yorugʻlik bilan yoritish uchun old chaqnoqdan foydalanish imkonini beradi.
Video yozishga almashish uchun xabar panelidagi mikrofon belgisini bosing. Keyin video xabaringizni yozish uchun kamera belgisini bosib turing. Yozishda davom etish uchun yuqoriga suring va pastki chap burchakdagi chaqnoq belgisini bosing.
Hikoyalarda ob-havo vidjeti
Quyoshli sohildan tortib togʻ-changʻi yoʻlagigacha qayerda boʻlishingizdan qatʼi nazar, endi hikoyangizni yangi animatsiyali vidjet yordamida ob-havo haqidagi dolzarb axborot bilan toʻldirishingiz mumkin.
Qaynoq hikoyalar olgan taqdirda.
Vidjet tomoshabin qurilmasidagi sozlamalarga qarab Selsiy yoki Farengeyt orasida avtomatik almashadi, shuning uchun C va F o‘rtasida tanlash bilan hech qachon ovora bo‘lishingizga toʻgʻri kelmaydi. Bulutsiz kechalarda vidjet oy fazasi koʻrinishini koʻrsatadi.
Hikoyangizga “Stikerlar” ruknidan musiqa, havolalar yoki joylashuv qoʻshishingiz ham mumkin.
Hikoya muqovalari
Profilingizga video hikoya joylaganingizda qaysi kadr muqova rasmi sifatida ishlatilishini tanlashingiz mumkin.
Hikoyalarga muqovasi asosida baho bergan taqdiringizda.
MacOS uchun ilovada brauzer va mini ilova varaqlari
Nihoyat, macOS uchun Telegramdagi yangi brauzer qanchalik ajoyibligi bilan tanishing. Uning yangi varaqlari barcha narsani dastaklaydi: oʻyinlar, mini ilovalar, tezkor koʻrish sahifalari va hatto TON tarmogʻidagi Web3 saytlari.
Ish stolingizda jonglyorlik qilishni yoqtirgan taqdiringizda.
Iyul uchun barcha yangilanishlar shular. Allaqachon ochiq brauzer varaqlari orasida avgust yangilanishini qidiryapmiz.
2024-yil 31-iyul,
Telegram jamoasi
Boshqa yangiliklar
