Hadyalar marketpleysi, bir nechta hikoyani birdaniga joylash, kanallar uchun avtomatik tarjima

Telegramning atigi 7 kun ichida ikkinchi yirik yangilanishi bilan tanishing! Endi siz yangi marketpleysda kolleksiyalanadigan hadyalarni xavfsiz sotib olish yoki sotishingiz mumkin. Hikoya muharriri yordamida bir vaqtda bir nechta hikoya joylashingiz yoki uzun videolarni bir nechta hikoyaga boʻlishingiz mumkin. Kanallar har bir foydalanuvchi postlarni oʻz tilida koʻrishi uchun avtomatik tarjima funksiyasini yoqishi mumkin. Shuningdek, kanallar uchun yangi funksiyalarni ovozlar yordamida ochish osonlashdi.

Marketpleysda kamyob hadyalarni sotib olish

Telegram yanvarda kolleksiyalanadigan hadyalarni taqdim etdi va ular darhol mashhurlikka erishdi — baʼzi kolleksiyalar bir necha daqiqada sotilib ketdi. Shundan buyon foydalanuvchilar oʻz sevimli noyob modellari va fonlarini olish uchun savdo qilmoqda.

Bugundan boshlab, siz Telegram Yulduzlar yordamida boshqa foydalanuvchilardan yuzlab noyob hadyalarni xavfsiz va qulay interfeys orqali xarid qilishingiz mumkin. Bu nafaqat tanlash imkoniyatini oshiradi, balki yangi hadyalar uchun yulduzlar ishlash uchun oʻz hadyalaringizni sotish imkonini ham beradi.

Kengaytirilgan qidiruv filtrlari yordamida siz aniq izlayotgan narsani, masalan, muayyan model, fon yoki belgini oson topishingiz mumkin.

Hadya yuborish uchun istalgan foydalanuvchi profilini oching va “Hadya yuborish” tugmasini bosing. Agar kamyob yangilangan kolleksiyalarni sotib olmoqchi boʻlsangiz, “Qayta sotish” filtridan foydalaning.

Hadyalaringizni yulduzlar evaziga sotish

Kolleksiyalanadigan hadyani sotish uchun uni profilingizda oching, “Sotish” tugmasini bosing va narxni yulduzlarda belgilang.

Roʻyxatga olingach, hadya marketpleysda paydo boʻladi va profilingizda “Sotuvda” yorligʻi bilan belgilanadi — shunda doʻstlaringiz va obunachilaringiz uning mavjudligini biladi.

Fikringiz oʻzgarsa, roʻyxatdan chiqarish uchun “Roʻyxatdan chiqarish” tugmasini bosing.

Bir nechta hikoyani birdaniga joylash

Endi hikoya muharriri yordamida bir nechta rasm yoki videoni bir vaqtda tanlab, joylashingiz mumkin — sayohat lavhalari yoki memlar toʻplami uchun juda qulay.

Uzun videolarni bir nechta hikoyaga boʻlish

Agar videongiz 60 soniyadan uzun boʻlsa, muharrir uni avtomatik tarzda lahvalarga boʻladi va hikoyalar ketma-ketligi sifatida joylaydi.

Kanalingizni avtomatik tarjimaga sozlash

Barcha Telegram foydalanuvchilari xabarlarni tarjima qilishlari mumkin — va Premium foydalanuvchilar esa butun suhbatlarni avto-tarjima qilishlari mumkin.

Endi kanal egalari barcha foydalanuvchilar uchun avtomatik tarjimani yoqishlari mumkin. Bu yoqilganda, tashrif buyuruvchilar xabarlarni oʻzlarining afzal tilida koʻradi, bu esa ijodkorlarga global auditoriyani qamrashda yordam beradi.

Kanalning yuqori qismidagi tarjima paneliga istalgan vaqtda bosib, asl matnga qaytishingiz mumkin.

Ovozlar bilan tezroq daraja oshiring

Guruhlar va kanallar ovozlar bilan daraja oshirish orqali funksiyalarni ochadi. Bu yangilanish ovozlar uchun talablarni kamaytiradi — endi avtomatik tarjima kabi imtiyozlar osonroq ochiladi.

Buguncha shular. Marketpleysdan zavlaning, biz esa bu orada dasturchilarimizni kamyob hadyalarni ovlashdan yangi funksiyalarni yaratishga oʻtkazamiz.

2025-yil 8-may
Telegram jamoasi