Унікальныя падарункі ў профілі, перанос падарункаў на блакчэйн, адпраўка падарункаў каналам і шмат чаго яшчэ

Сённяшняе абнаўленне дадае 6 новых функцый у Telegram, уключаючы магчымасць насіць калекцыйныя падарункі як эмодзі-статус, пераносіць падарункі на блокчэйн, адпраўляць падарункі каналам — і шмат чаго яшчэ.

Насіце вашы ўнікальныя падарункі

Падарункі, якія вы робіце калекцыйнымі, цяпер могуць выкарыстоўвацца як унікальны эмодзі-статус.

Выкарыстанне падарунка ў якасці статусу надае яму эфект зорнага ззяння і змяняе знешні выгляд вашага профілю, каб адпавядаць фону і сімвалу з вашага калекцыйнага прадмета.

Каб «надзець» адзін з вашых падарункаў, перайдзіце ў Мой профіль > Падарункі, націсніце на падарунак і выберыце «Надзець». Калі вы пазней «знімеце» падарунак, ваш профіль вернецца да свайго арыгінальнага выгляду.

Перанос падарункаў на блакчэйн

Як і калекцыйныя імёны карыстальнікаў і нумары, падарункі цяпер можна перадаваць або выстаўляць на аўкцыён праз блакчэйн TON. Гэта дае ўладальнікам пастаянны кантроль — нават калі яны страцяць доступ да свайго ўліковага запіса ў Telegram або выдаляць яго.

Перанос падарунка ў кашалёк TON таксама дазваляе падключацца да знешніх сэрвісаў, такіх як аўкцыённыя сайты або платформы, якія прапануюць дадатковыя магчымасці для калекцыйных прадметаў.

Каб перанесці падарункі на блакчейн, перайдзіце ў Налады > Мой профіль > Мае падарункі і націсніце на адзін з вашых падарункаў, а потым выберыце Перадаць > Адправіць праз блокчейн.

Падарункі для каналаў

Каб адзначыць святы і дасягненні, карыстальнікі Telegram цяпер могуць віншаваць каналы, адпраўляючы падарункі, якія адлюстроўваюцца ў профілі канала.

Як і пры адпраўцы падарункаў сябрам, падпісчыкі могуць выкарыстоўваць «зоркі», каб палепшыць падарунак перад адпраўкай — дазваляючы атрымальніку бясплатна пераўтварыць яго ва ўнікальны калекцыйны прадмет.

Каб адправіць падарунак каналу, націсніце на значок падарунка ў ніжнім куце канала.

Уладальнікі каналаў могуць перадаваць свае падарункі іншым карыстальнікам і каналам або выстаўляць іх на аўкцыён на блакчэйне. Стваральнікі кантэнту і дабрачынныя арганізацыі могуць выкарыстоўваць гэты функцыянал, каб збіраць сродкі на спецыяльныя праекты і важныя справы.

Звярніце ўвагу: гэтая опцыя будзе выходзіць у доступ паступова і можа быць недаступнай для вашага ўліковага запісу адразу пасля абнаўлення.

Падарункі ў гісторыях

Калекцыйныя падарункі ў вашым профілі могуць быць размешчаны ў вашай гісторыі — у выглядзе прыгожай анімацыі, каб вы маглі паказаць іншым цікавыя «экспанаты».

Каб размясціць падарунак у вашай гісторыі, перайдзіце ў Налады > Мой профіль > Мае падарункі, націсніце на адзін з вашых падарункаў і выберыце Абагуліць > Размясціць у гісторыі.

Кожны калекцыйны падарунак мае унікальную спасылку у фармаце t.me/nft, якую вы можаце адправіць сябрам або апублікаваць у канале.

Фільтраванне падарункаў на профілях каналаў

Укладка «Падарункі» на профілях каналаў уключае фільтры для сартавання падарункаў паводле іх каштоўнасці і калекцыйнага статусу, даты атрымання, а таксама па тым, ці яны з абмежаванай або неабмежаванай калекцыі.

Кіраўнікі могуць уключыць апавяшчэнні з укладкі «Падарункі» ў сваіх каналах, каб сачыць за падарункамі, якія адпраўляюцца на канал.

І, здаецца, гэта ўсё, што мы дадалі з другім абнаўленнем Telegram у студзені. Хутка вернемся — пасля таго, як прымерым усе нашы найлепшыя падарункі.

24 студзеня, 2025
Каманда Telegram