Схаваныя медыя, нулявое выкарыстанне сховішча, новыя інструменты для малявання, асобныя аватары для вашых кантактаў і шмат чаго яшчэ

Чытаць арыгінальны допіс па-англійску
Схаваныя медыя, нулявое выкарыстанне сховішча, новыя інструменты для малявання, асобны аватар для вашых кантактаў і шмат чаго яшчэ

Ніхто не будзе сумаваць па 2022, але з гэтым абнаўленнем мы дамо вам аб чым успомніць: адпраўка медыя са спойлерам, новыя спосабы захаваць дыскавую прастору на вашай прыладзе, новыя інструменты для малявання, прызначэнне асобных аватараў для вашых кантактаў, і шмат чаго яшчэ.

Схаваныя медыя

Telegram падтрымлівае фарматаванне спойлерам, праз якое можна схаваць тэкст паведамлення — увесь цалкам або нейкія пэўныя часткі. Цяпер вы таксама можаце схаваць фота і відэа з эфектам мігцення, які размые відарыс. Каб адкрыць таямніцу і ўбачыць медыяфайл, атрымальніку трэба толькі аднойчы на яго націснуць.

У меню далучэнняў выберыце адзін ці некалькі файлаў, націсніце Menu Android / Menu iOS і выберыце «Схаваць пад спойлерам».

Нулявое выкарыстанне сховішча

Telegram можа займаць амаль ніколькі на вашай прыладзе. Вашыя файлы захоўваюцца ў воблаку, так што вы можаце выдаліць іх з прылады і спампаваць нанова ў любы момант. Налады ўжо доўгія гады дазваляюць вам прызначыць максімальны памер кэшу ці аўтаматычнае выдаленне неўжываных файлаў па заканчэнні пэўнага перыяду часу.

З гэтым абнаўленнем вы можаце раздзяліць налады аўтавыдалення кэшаваных медыяфайлаў для асабістых чатаў, суполак і каналаў – з выключэннямі для асобных чатаў.

Новыя кругавыя дыяграмы дапамогуць лепей зразумець, якія канкрэтна файлы займаюць прастору, а асобныя ўкладкі для медыя, файлаў і музыкі дазволяць выдаліць самыя «важкія» адным дотыкам.

Для iOS мы значна паскорылі час, за які вылічаецца памер вашага кэшу. А карыстальнікі Android і без таго ў плюсе – іх праграма ўжо рабіла гэта на максімальнай хуткасці.

Паспрабуйце ўсе новыя магчымасці праз Налады > Даныя і сховішча > Выкарыстанне сховішча.

Новыя інструменты малявання

Рэдактар медыя Telegram, ужо багаты на магчымасці, быў поўнасцю перароблены. Інструменты малявання дынамічна змяняюць шырыню ў залежнасці ад хуткасці і аўтаматычна выраўноўваюць лініі.

Таксама мы дадалі інструмент размыцця, каб хаваць з фотаздымкаў крытычныя звесткі (або для фотабомбінгу) – а таксама 5 высокадакладных спосабаў выбіраць колеры, улічваючы піпетку.

Калі вы дадаяце тэкст на фота ці відэа, вы зможаце змяняць яго памер, шрыфт і фон. Усе карыстальнікі таксама могуць дадаць карыстальніцкія анімаваныя эмодзі ў тэкст на відарысах, нават без падпіскі на Telegram Premium.

Каб хутка дадаць формы накшталт прамавугольнікаў, кругоў, стрэлак, зорак і чат-бурбалак, націсніце кнопку «+». Вы таксама можаце ўтрымліваць нейкую паверхню, каб запоўніць яе колерам усё палатно – або каб проста ўсё сцерці.

У будучых абнаўленнях мы збіраемся яшчэ больш пашырыць магчымасці рэдактара медыяфайлаў і палепшыць яго прадукцыйнасць.

Асобныя аватары для вашых кантактаў

Падчас рэдагавання кантакта вы можаце выбраць аватар для яго – бачны толькі для вас у профілі гэтага кантакта.

А калі вы знайшлі нешта, што дакладна будзе пасаваць вашаму сябру, то можаце прапанаваць аватар. Каб дадаць сабе ў профіль прапанаваны відарыс або відэа, спатрэбіцца толькі два націсканні.

Адкрыйце профіль вашага кантакта > Рэдагаваць, а потым выберыце «Прызначыць аватар для…» або «Прапанаваць аватар для…».

Публічныя аватары

Калі вы дазволілі бачыць ваш аватар толькі асобным карыстальнікам, то для ўсіх астатніх можна прызначыць публічны аватар.

З гэтым абнаўленнем вы таксама можаце дасягнуць поўнай прыватнасці аватара профіля: вы можаце прызначыць бачнасць на «Ніхто» і дадаць асобных карыстальнікаў ці суполкі як выключэнні.

Гэтыя налады даступныя ў Наладах > Прыватнасць і бяспека > Аватар профілю.

Схаваныя ўдзельнікі суполкі

Інструменты накшталт агрэсіўнай барацьбы са спамам дапамагаюць кіраўнікам вялікіх суполак падтрымліваць парадак – але ў некаторых выпадках таксама маецца патрэба абараніць удзельнікаў ад нежаданых асабістых паведамленняў.

Таму цяпер кіраўнікі суполак з больш чым 100 ўдзельнікамі могуць схаваць спіс удзельнікаў праз налады суполкі. Такім чынам, калі нейкі карыстальнік не адпраўляе паведамленні ў суполку, то толькі яе кіраўнікам будзе вядома, што ён з’яўляецца ўдзельнікам.

Схаваныя ўдзельнікі суполкі

Анімацыі для Android

Плаўныя новыя анімацыі былі дададзены на выпадак, калі вы хочаце перайсці да адлеглага паведамлення па адказе у актыўным чаце ці на іншай старонцы праграмы.

Premium Новыя анімаваныя эмодзі

Падпісчыкі Premium атрымліваюць 10 новых набораў анімаваных эмодзі — навагодні падарунак ад мастакоў Telegram.

Знайсці гэтыя наборы можна ва Emoji ўкладцы эмодзі вашай Stickers панэлі стыкераў.

Больш інтэрактыўных эмодзі

Мы працягваем пашыраць наш сусвет інтэрактыўных эмодзі. Каб прагледзець поўнаэкранный эфект, сінхранізаваны для вас і вашага суразмоўцы, адпраўце адзін эмодзі 🎅🎄☃️💅🗿🆒🤪 у любым асабістым чаце і націсніце на яго.

Усе гэтыя эмодзі таксама даступны як рэакцыі – твар статуі мааі будзе, бадай, самым карысным падчас праводзінаў 2022 года.

Тэмы для суполак любога памеру

Тэмы цяпер даступныя ва ўсіх суполках, незалежна ад іх памеру – даючы кожнаму гэты новы спосаб прыўнесці парадак у дыскусіі.


І на сёння гэта ўсё. Мы хацелі ўціснуць яшчэ адно абнаўленне ў гэты снежань, але падумалі, што лепей будзе адпачнуць.


30 снежня, 2022
Каманда Telegram

Other News

Захаваныя паведамленні 2.0, аднаразовыя галасавыя і відэапаведамленні, і яшчэ 8 новых магчымасцей

На працягу студзеня мы дадалі 10 новых магчымасцей у Telegram – сярод якіх палепшаныя захаваныя…
Jan 31, 2024

Палепшаныя выклікі, эфект распылення і новы функцыянал ботаў

Дзясятае абнаўленне Telegram у 2023 дадае абноўленыя выклікі з лепшай прадукцыйнасцю і меншым спажываннем зараду батарэі, новы эфект распылення…
Dec 31, 2023

Налады выгляду каналаў, адпраўка допісаў у гісторыях і шмат чаго яшчэ

З сённяшнім абнаўленнем любы карыстальнік зможа апублікоўваць допісы з каналаў як гісторыі, каналы атрымаюць пашыраныя налады выгляду,…
Dec 23, 2023

Падобныя каналы, публікацыя гісторый іншых аўтараў і яшчэ 9 іншых магчымасцей

Сённяшняе абнаўленне дадае новыя магчымасці для пошуку каналаў на адну і тую ж тэму, публікацыі гісторый іншых аўтараў і для запісу ві…
Nov 30, 2023